ពិតជាភ្ញាក់ផ្អើលមែន! ពេលដែលធ្វើតេស្តកម្រិត IQ ក្មេងប្រុសម្នាក់ខ្ពស់ជាងអ្នកប្រាជ្ញពីររូបទៅទៀត

0
1456

វិទ្យាសាស្ត្រ​បានវិវត្តន៍ខ្លួនពីមួយជំនាន់ទៅមួយជំនាន់ និងធម្មជាតិបានបង្កើតអច្ឆរិយបុគ្គលកាន់តែច្រើនឡើង ជាបន្តបន្ទាប់ឥតមានឈប់ឈរ។ ជាក់ស្តែងថ្មីៗនេះ យើងក៏ទទួលបានអ្នកដែលមាន IQ ខ្ពស់ម្នាក់ទៀត ជំនួសឲ្យអ្នកប្រាជ្ញ Albert Einstein និង Stephen Hawking ដែលមានកម្រិត IQ ត្រឹមតែ 160 ខណៈក្មេងប្រុសម្នាក់ Rtvik Patel មានកម្រិត IQ រហូតដល់ 162 លើសអ្នកប្រាជ្ញទាំងពីរនាក់នេះទៅទៀត។

Albert Einstein
Stephen Hawking
Rtvik Patel / Daily Echo Social News

បើយោងតាមសារព័ត៌មានក្នុងស្រុកមួយ Business Cambodia និង Daily Mail របស់អាមេរិក បានចុះផ្សាយថា “ក្មេងប្រុសដ៏សែនឆ្លាតរូបនេះ គេមានសញ្ជាតិ ជាជនជាតិឥណ្ឌា។ បច្ចុប្បន្ននេះ ក្មេងប្រុស Rtvik Patel បានចូលជា​សមាជិកនៃ អង្គការ Mensa ដែលជាអង្គការប្រមូលផ្ដុំទៅដោយអ្នកដែលមានកម្រិត IQ ខ្ពស់បំផុត” ។

គួរបញ្ជាក់ផងដែរថា ក្មេងប្រុស Rtvik Patel​ ដែលទើបតែមានអាយុ ១៤ឆ្នាំប៉ុណ្ណោះ តែគេមានទេពកោស ភាពដ៏អស្ចារ្យខ្លាំង ពិសេសជាក្មេងធម្មតា។ បើសិនជាមធ្យម មនុស្សពេញវ័យ គឺមានកម្រិត​ IQ ត្រឹមតែ ១០០ ខណៈ លោក Albert Einstein អ្នកប្រាជ្ញអាល្លឺម៉ង់ដ៏ល្បី និង​ លោក ​Stephen Hawking អ្នកពូកែខាងព្យាករណ៍ដំណើរនៃភពផែនដី មាន IQ ចំនួន ១៦០។ Rtvik Patel បាននិយាយថា រូបគេសប្បាយចិត្តណាស់នៅពេលដែលដឹងលទ្ធផលថា រូបគេមាន IQ ខ្ពស់ ពីការរំពឹងទុក ដោយលើសទាំង Albert Einstein ទៅទៀតគឺ លើសចំនួន ២ដង។

សូមរំឮកថា កាលពីឆ្នាំមុនកុមារ​ Rtvik Patel ត្រូវបានគេដាក់ចូលក្នុងបេក្ខជនកំពូលទាំង ៥០រូប ទូទាំងប្រទេសដែលជាកុមារដែលពូកែខាងគណិតវិទ្យា។ បច្ចុប្បន្ននេះ រូបគេកំពុងសិក្សា ភាសា ឡាតាំង គ្រិច អាល្លឺម៉ង់ និង បារាំង ហើយមិនតែប៉ុណ្ណោះ គេក៏ហាត់កីឡា​ Karate ខ្សែប្រវ៉ាត់ខ្មៅថែមទៀតផង។

វាមិនមែនជាលើកទី១ទេ ដែលក្មេងប្រុស Rtvik Patel​ មានកម្រិត IQ ខ្ពស់បែបនេះ ព្រោះកាលពីឆ្នាំ ២០១៥ កន្លេងទៅ កីមានក្មេង​ស្រីម្នាក់ជាជនជាតិ ឥណ្ឌា ដូចគ្នាដែរ នាងមានឈ្មោះថា Lydia Sebastian មានវ័យត្រឹមតែ ១២ឆ្នាំប៉ុណ្ណោះ ហើយបានធ្វើតេស្ដ ឃើញថា IQ មានដល់ 162 ដែរ នៅក្នុងរយៈពេលធ្វើតេស្ដតែ ៥០នាទី ប៉ុណ្ណោះ។

យើងសង្ឃឹម និងរង់ចាំមើលថា កុមារកម្ពុជាយើងនឹងមាន IQ ខ្ពស់ដែរឬទេនៅពេលខាងមុខនេះ?

អត្ថបទ៖ មនោ វិជ្ជា 

គេហទំព័រចំណេះដឹងគ្រប់ទីកន្លែង ស្វែងរកចំណេះដឹងថ្មីៗ គ្រប់ទីកន្លែងជាភាសាខ្មែរ ចែកជូនដល់ប្រិយមិត្តអ្នកអាន ដើម្បីជាប្រយោជន៍ បង្កើនចំណេះដឹង និងបង្កើនសមត្ថភាពរបស់អ្នកបន្ថែមទៀត។

ចែករំលែក
អត្ថបទ​មុនប្រវត្តិសាស្ត្រថៃ (សៀម)
អត្ថបទ​បន្ទាប់អច្ឆរិយបុគ្គលទាំង ៣ ដែលគ្រប់គ្រងលើតណ្ហារបស់ខ្លួន និងលះបង់ដើម្បីប្រទេសជាតិ
ខ្ញុំបាទ, មនោ វិជ្ជា គឺជាអ្នកនិពន្ធសៀវភៅ អ្នកស្រាវជ្រាវប្រវត្តិសាស្ត្រ និងជាស្ថាបនិកនៃគេហទំព័រចំណេះដឹងគ្រប់ទីកន្លែង ផងដែរ។ ជាបឋមនេះ ខ្ញុំសូមរំឭកដឹងគុណដល់អ្នកមានគុណទាំងពីរ ដែលបានចែកឋានទៅហើយក្តី និងសូមអរគុណដល់អ្នកមានគុណដែលបានផ្តល់កំណើតមកលើទឹកដីសុវណ្ណភូមិ ឬទឹកដីអច្ឆិរយអង្គរមួយនេះ។ នៅក្នុងកិច្ចការងារទាំងនេះ គឺគ្រាន់តែជាការរួមចំណែកបន្តិចបន្តួចក្នុងការជួយអភិវឌ្ឍដល់សង្គម ក៏ដូចជាការអប់រំផ្នែកចំណេះដឹងរបស់ពលរដ្ឋខ្មែរយើង។ សូមអរគុណសម្រាប់ការគាំទ្រ និងតាមដានអានគ្រប់អត្ថបទកន្លងមក។

ឆ្លើយ​តប​

Please enter your comment!
Please enter your name here