ប្រយោជន៍នៃការអានសៀវភៅ និងសៀវភៅអេឡិចត្រូនិច (eBook)

0
188

សម័យឥឡូវនេះ ថ្វីត្បិតតែពេលនេះ ប្រទេសយើងនៅមិនទាន់រីកចម្រើនខ្លាំងក៏ពិតមែន តែបើសិនចង់អានសៀវភៅផ្សេងៗ លែងជាបញ្ហាលំបាកទៀតហើយ។ ជាក់ស្តែងនៅក្នុងអុីធើណេត ក៏មានសៀវភៅអានដោយឥតគិតប្រាក់ (Free Free) ជាច្រើនផងដែរ ដែលពេលខ្លះធ្វើឱ្យអ្នកនិពន្ធខ្លះពិបាកនឹងរកចំណូលពីការសរសេរសៀវភៅរបស់ខ្លួនថែមទៀតផង។

ប៉ុន្តែសម័យកាលទំនើបនេះ ថ្វីត្បិតែអស្ចារ្យជាងមុនក៏ដោយ ក៏ការអានសៀវភៅដោយផ្ទាល់ និងបែបអេឡិចត្រូនិច មានផលលំបាកមួយចំនួនផងដែរ ប្រសិនបើយើងមិនទាន់ចេះប្រើអុីធើណេតច្បាស់លាស់នៅឡើយ។ ខាងក្រោមនេះគឺ ជាការវែកញែកខ្លះៗ អំពីអត្ថប្រយោជន៍នៃការអានសៀវភៅធម្មតា និងសៀវភៅអេឡិចត្រូនិច ដែលភាសាសាមញ្ញថា “eBook” ៖

  • សៀវភៅធម្មតា 

សៀវភៅធម្មតាគឺ ងាយស្រួលអាន មិនចាំបាច់ប្រើអុីធើណេតឱ្យអស់លុយទេ ប៉ុន្តែត្រូវចំណាយប្រាក់ដើម្បីទិញសៀវភៅ។ ដូច្នេះពេលយើងទិញរួច ត្រូវរកទូរដាក់តាំង ទៅកន្លែងណាឱ្យបានធំទូលាយផងដែរ វាបង្កលក្ខណៈដូចជា ត្រូវចង្អៀតផ្ទះ បន្ទាប់ និងកន្លែងមួយចំនួនទៀត។ នៅពេលចង់អានត្រូវតែមានកន្លែងទំនេរបានធំ (Space) និងពិបាកយកតាមខ្លួនផងដែរ។

ប្រសិនបើទុកនៅកន្លែងណាមិនស្រួលអាចនឹងខូច បាត់បង់ និងត្រូវសត្វល្អិតកាត់ខ្ជិចអស់ក៏ថាបានដែរ។ ដូច្នេះមុននឹងទិញសៀវភៅធម្មតាអាន ត្រូវតែមានកន្លែងសម្រាប់ទុកដាក់ ដូចជាមានទូរ​ កន្លែងធំទូលាយ និងមិនធ្វើឱ្យចង្អៀតដល់ផ្ទះ ឬកន្លែងផ្សេងៗនៅក្បែរខ្លួន ទើបជាការល្អ និងមិនរំខានដល់អ្នក។

  • សៀវភៅអេឡិចត្រូនិច (eBook) 

ស្រប់តាមបច្ចេកវិទ្យាទំនើប និងទាន់សម័យ សៀវភៅអេឡិចត្រូនិចនេះ ត្រូវបានកំពុងតែពេញនិយមអានច្រើនបំផុតជាងសៀវភៅធម្មតា ព្រោះថាវាយស្រួលដាក់តាមខ្លួន (Smart Phone, Computer, Table…) សំខាន់យើងត្រូវចេះទាញយកឱ្យរួចជាស្រេច ពេលណាចង់អានទាញតែស្មាតហ្វូន ឬកុំព្យូទ័រដែលបានរក្សាទុកហើយនោះ យកមកអានជាការស្រេច ដែលមិនចាំបាច់ចំណាយពេលទីទិញសៀវភៅឆ្ងាយ អាចទាញយកបានដោយឥតគិតថ្លៃជាច្រើន ហើយបើសិនករណីទិញវិញ ក៏ងាយស្រួលដោយមិនចំណាយពេលដល់បណ្ណាគារផ្ទាល់ក៏បានដែរ គ្រាន់តែទិញតាមអនឡាយក៏បានដែរ។ ជាពិសេស មិនធ្ងន់ពេលយកទៅតាមខ្លួន ឬទៅទីណាដែលឆ្ងាយ ដូចជានៅតាមទីសាធារណៈផ្សេងៗជាដើម។

ដូច្នេះការអានសៀវភៅតាមបែបអេឡិចត្រូនិច ជាការងាយស្រួលជាងការអានសៀវភៅធម្មតា គ្រាន់តែពេលខ្លះយើងអានយឺតបន្តិច ដោយសារតែយើងចេះតែចំណាយពេលឥតប្រយោជន៍ទៅបើកកម្មវិធីកម្សាន្តផ្សេង ខណៈពេលកំពុងអានសៀវភៅអេឡិចត្រូនិចនេះ។ ហេតុដូចនេះ ពេលអានសៀវភៅអេឡិចត្រូនិច អ្វីដែលគួរជៀសវាងបំផុតគឺ កុំបើកម្មវិធីកម្សាន្ត មានដូចជា ហ្វេសប៊ុក យូធូប ។ល។ ដែលនាំឱ្យអារម្មណ៍យើងខ្ចាយមិនល្អក្នុងការអានសៀវភៅនេះ៕

អត្ថបទដោយ៖ មនោ វិជ្ជា

ចែករំលែក
អត្ថបទ​មុនប្រវត្តិសាស្ត្រ​ខ្មែរ៖ អំបូរ​ខ្មែរ​-​មន
អត្ថបទ​បន្ទាប់សៀវភៅជាសង្សារល្អបំផុត សម្រាប់អ្នកដែលនៅ Single
ខ្ញុំបាទ, មនោ វិជ្ជា គឺជាអ្នកនិពន្ធសៀវភៅ អ្នកស្រាវជ្រាវប្រវត្តិសាស្ត្រ និងជាស្ថាបនិកនៃគេហទំព័រចំណេះដឹងគ្រប់ទីកន្លែង ផងដែរ។ ជាបឋមនេះ ខ្ញុំសូមរំឭកដឹងគុណដល់អ្នកមានគុណទាំងពីរ ដែលបានចែកឋានទៅហើយក្តី និងសូមអរគុណដល់អ្នកមានគុណដែលបានផ្តល់កំណើតមកលើទឹកដីសុវណ្ណភូមិ ឬទឹកដីអច្ឆិរយអង្គរមួយនេះ។ នៅក្នុងកិច្ចការងារទាំងនេះ គឺគ្រាន់តែជាការរួមចំណែកបន្តិចបន្តួចក្នុងការជួយអភិវឌ្ឍដល់សង្គម ក៏ដូចជាការអប់រំផ្នែកចំណេះដឹងរបស់ពលរដ្ឋខ្មែរយើង។ សូមអរគុណសម្រាប់ការគាំទ្រ និងតាមដានអានគ្រប់អត្ថបទកន្លងមក។

ឆ្លើយ​តប​

Please enter your comment!
Please enter your name here